तुझ्याविना..!!

"तुझ्याविना"..!!

तार्यांचं चमकणं नाही आता
वार्याचं वाहणं नाही आता
फुलांचं फुलणं नाही आता
आगी विना जळणं आता
सुना सुना आसमंत झाला तुझ्याविना
नाही बहर, नुसता कहर तुझ्याविना !!

एकांत, बैचेनी आता
सरली ओठांची गाणी आता
हातातल्या विस्कटल्या रेषा
नाही त्यांची जुळणी आता
सुनं सुनं हसणं झालं तुझ्याविना
नाही बोलणं, नुसतं झुरणं तुझ्याविना !!

बंद होतील स्पंदने आता
थांबतील दाही दिशा आता
मनाचं का हे स्वैर वागणं
संपली जगण्याची आशा आता
सुनं सुनं जगणं झालं तुझ्याविना
नाही उरणं, नुसतं मरणं तुझ्याविना !!

- Kalyanjit