सखे असाच हातात...
+++++++++++++
सखे असाच हातात, दे हात तू गं मला
जन्मोजन्मीची साजणी, अशी साथ दे तू मला||
तुझा हात-हाती आला,
नभी चंद्र जसा आला
फुलपाखरांचा थवा
माझ्या अंगणात आला
कसा नकळत राणी, ऋतू कुस बदलला
जन्मोजन्मीची साजणी , अशी साथ दे तू मला||
तुझ्या हाताचा तो स्पर्श,
मनी वाढतो गं हर्ष
अपुल्या पहिल्या प्रेमाचं
राणी पहिलच वर्ष
कसा नकळत राणी, मला स्पर्श उमगला
जन्मोजन्मीची साजणी , अशी साथ दे तू मला||
तुझ्या हाताच्या त्या रेषा,
जणू प्रेमाचीच भाषा
भाव मनात प्रेमाचा
उमलू दे हीच आशा
कसा नकळत राणी, मला सूर बिलगला
जन्मोजन्मीची साजणी , अशी साथ दे तू मला||
सखे असाच हातात, दे हात तू गं मला
जन्मोजन्मीची साजणी, अशी साथ दे तू मला||
=================================
किरण जाधव..[सखीच्या हातात स्वत:ला हरवताना..]
=================================
No comments:
Post a Comment