माझ्या काही चारोळ्या...

1. मी तुला साथ दिली
    चंदेरी रात दिली
    तू दिलास फ़क्त भास
    न संपणारा प्रवास...

2. वयात आल्यापासून
    लाजाळुसारखी जगतेय
    ओठांना तुझा स्पर्श होताच
    डोळे नकळत मिटतेय...

3. पंखात बळ आणाव
    उंच-उंच उडायला
   इथ वेळ आहे कुणाला
   अपयशावर रडायला...

4. तू रुसावं
    तू हसावं
    या उन-पावसात
    मी फसावं...

5. वाट चुकलेल्याला तुम्ही
   घरचा रस्ता दाखवाल
   पण घरच नसलेल्याला
   तुम्ही कुठे पोहोचवाल?..

6. काल एक जोड़पं
   कातळामागे बसलेल पाहिलं
   ओठांचे गुज ओठांनी
   घेताना मी पाहिलं...

7. सज्जनता हा धर्मं होता
   फार पूर्वीच्या काळी
   आज सज्जनालाच तुडवतात
   तुमच्या-आमच्या गल्लोगल्ली..

8. मनापासून मन जाणणारी
    माणसं असतात कमी
    कमी म्हणजे अगदीच दुर्मिळ
    याची मी देतो हमी...

===========================
किरण जाधव...[चारोळ्यात रमणारा...]
=============================