अस्तित्व...

अस्तित्व...

+++++++++

तो यायचा आणि पाहत बसायचा
अथांग असा सागर
अगदी एकटक, नजरेत मावेपर्यंत
सूर्य उगवल्यापासून,चन्द्र बुडेपर्यंत||

पाहत बसायचा तासन-तास
भरती-ओहोटीचा खेळ
कळायच नाही कधी दिस यायचा
कधी सरायची कातर वेळ||

ऐकायची होती त्याला समुद्राची गाज
मोजायची होती समुद्राची खोली
लावायचा होता सागराचा पत्ता
शिकायची होती सूर्य-चंद्राची खेळी||

शोधायला निघाला होता तो वेडा
समुद्राच अस्तित्व...
पण स्वतला हरवून,
स्वत:च अस्तित्व विसरून...

====================================
किरण जाधव...[अस्तित्व शोधताना ]
====================================