संध्याकाळची वेळ....

संध्याकाळची वेळ,

घरात माझ्या दिवा नाही
कसा आणू प्रकाश घरात
रानातही काजवा नाही...

संध्याकाळची वेळ,
हवेत आज गारवा नाही
कशी मोहरेल रात्र सारी
रातराणीचा ताटवा नाही...

संध्याकाळची वेळ,
त्यांच्या पत्राचा सुगावा नाही
कशी रमवू रात्री स्वत:ला
आठवणींचा मागोवा नाही...

संध्याकाळची वेळ,
घरात माझ्या नाखवा नाही
कशी बसू घरात एकटी
मी कोणी विधवा नाही.......

संध्याकाळची वेळ,
रानातही काजवा नाही
रातराणीचा ताटवा नाही
आठवणींचा मागोवा नाही
मी कोणी विधवा नाही.......

=====================================
किरण जाधव...[संध्याकाळच्या वेळी, तिला पाहताना...]
=====================================